فــي خـيــر
| باشل حبك معي بالقيه زادي | ومـرافقي في السفر | |
| وباتلذذ بذكرك في بلادي | في مقيلي والسمر | |
| وانته عسى عاد باتذكر ودادي | وان قد تناسيت ياما ناس جم مثلك تناسوا الوداد | |
| في خير انته وانا بانلتقي في سعاد | ||
| _________ | ||
| شفنا كماالطير لي هو دوب شادي | ويعيش فوق الشجر | |
| وبين اغصانها رايح وغادي | وان هزه الشوق فر | |
| سل عن نشيدي وفني كل وادي | وتخبر العشب مني والبواسق والسُمر والقتاد | |
| في خير انته وانا بانلتقي في سعاد | ||
| _________ | ||
| يانور عيني ويابهجة فؤادي | عافرقتك ماقدر | |
| مابين عيني وبين النوم بادي | بيت حليف السهر | |
| ذا ايش من حب احرمني رقادي | ذا ايش من حب كلما جيت بانقصه عالوهم زاد | |
| في خير انته وانا بانلتقي في سعاد | ||
| _________ | ||
| ايش بايقولون لك عني الاعادي | كلام ماله أثر | |
| ماقصدهم شي سوى عثرة جوادي | حاشاعلي ماعثر | |
| مازلت واقف على عهدي محادي | ماسك حيادي وخير الناس لي ماسكين الحياد | |
| في خير انته وانا بانلتقي في سعاد | ||
| *********** | ||
